Слаби врнежи од снег на Буково, Ѓавато, Плетвар, Пресека и Крушево

Сообраќајот на државните патишта во Македонија се одвива непречено, по наместа влажни коловози, информира АМСМ. Слаби врнежи од снег и дожд се регистрирани на планинските премини Буково, Ѓавато, Плетвар, Пресека и Крушево.

— реклама —

Интензитетот на сообраќај надвор од градските средини е умерен, додека на граничните премини од македонска страна нема подолги задржувања за влез и излез од државата.

— реклама —

— реклама —

Од АМСМ апелираат возачите да возат внимателно, да ја прилагодат брзината на движење и да ја почитуваат сообраќајната сигнализација. Посебна претпазливост се препорачува на патиштата низ котлините, речните долини и клисурите, каде постои ризик од одрони, особено на делниците Катланово – Велес, Маврово – Дебар – Струга, Виница – Берово и Кочани – Делчево.

Поради сезонски режим, патниот правец Охрид – Ресен преку Националниот парк Галичица останува затворен за сообраќај за сите видови возила до 31 март 2026 година.