„Слатка“ заплена на границата меѓу Хрватска и Србија: возач на камион скрил 400 тегли Нутела

Хрватските цариници на граничниот премин Батина откриле големо количество непријавена стока во камион со српски регистарски таблички. Возачот, државјанин на Србија, производите ги скрил во контејнери за пелети.

— реклама —

— реклама —

При излезната контрола биле пронајдени 400 тегли Нутела од по 750 грама, со вкупна тежина од 300 килограми, 194 пакувања чоколади од по 172 грама и 42 ланци за моторни пили.

— реклама —

Целата стока е запленета, а на возачот му е издаден прекршочен налог поради прекршување на прописите за спроведување на царинското законодавство на Европската Унија.