Следи нагло заладување: Силен ветер над 60 км/ч, дожд и снег на планините

Променливо облачно и постудено време нè очекува во Македонија, а на одредени места ќе дува засилен до силен ветер од северен правец, кој повремено ќе надминува брзина од 60 километри на час.

— реклама —

Минималните температури ќе се движат од 4 до 11 степени, додека максималните ќе достигнат од 11 до 18 степени.

— реклама —

Во Скопје времето ќе биде променливо облачно и постудено. Ќе дува умерен ветер од северен правец, кој во делови од Скопската Котлина повремено ќе биде засилен. Минималната температура ќе се спушти до 10 степени, а максималната ќе достигне 15 степени.

Променливо облачно и постудено време ќе преовладува до петок. Во петок се очекуваат повремени локални врнежи од дожд, кои на некои од повисоките планини ќе преминуваат во снег.

— реклама —

По неколкудневното заладување, за време на викендот се очекува стабилизирање на временските услови. Ќе преовладува сончево време со мала до умерена облачност.

Граѓаните треба да бидат внимателни при силните налети на ветерот, особено на отворени и повисоки места, како и при движење во планинските предели каде што се очекуваат повремени врнежи.