Смртоносен напад од ајкула на популарна плажа во Сиднеј

Маж загина утрово по напад од ајкула на плажата Лонг Риф во Сиднеј, јави Би-Би-Си. Спасувачките и итните служби успеале да го извлечат од морето, но и покрај обидите за реанимација, тој починал на самото место. Полицијата соопшти дека нашле два делови од даска за сурфање кои се испратени на вештачење.

— реклама —

Инцидентот предизвика затворање на повеќе плажи во областа Северни плажи, популарна дестинација за сурфери и туристи. Нападот се случил нешто по 10 часот наутро по локално време, а жртвата се здобила со критични повреди. Засега идентитетот на мажот не е официјално објавен. Експерти ќе утврдат за која вид ајкула станува збор.

— реклама —

— реклама —

Ова е првиот смртоносен напад од ајкула во Сиднеј од 2022 година, кога живот го загуби британскиот инструктор за нуркање Сајмон Нелист по напад од голема бела ајкула. Претходно, последен ваков случај бил забележан во 1963 година.

Иако Австралија годишно регистрира околу 20 напади од ајкули, главно во Нов Јужен Велс и Западна Австралија, смртните исходи се ретки. Според повеќе од еден век статистика, просечно помалку од една личност годишно умира од вакви напади, што ја прави денешната трагедија уште пошокантна за локалната заедница.