Со 1,80 промили алкохол предизвикал несреќа кај Охрид – тешко повреден, автомобилот му е одземен

Тешка сообраќајна несреќа се случила на регионалниот пат Охрид–Свети Наум, во близина на охридското село Рача, при што едно лице се здобило со тешки, а две со телесни повреди.

— реклама —

Од СВР Охрид информираат дека на 9 јули, околу 19:15 часот, дошло до судир меѓу патнички автомобил „цитроен“, управуван од Љ.Ј. (48) од Охрид, и патнички автомобил „форд“, управуван од Г.П. (59), исто така од Охрид.

— реклама —

Во несреќата, возачот на „цитроенот“ се здобил со тешки телесни повреди, констатирани во Специјалната болница „Св. Еразмо“ во Охрид. Телесни повреди добиле и возачот на „фордот“, како и неговата 57-годишна сопатничка С.П. од Охрид.

— реклама —

По преземените мерки, полицијата утврдила дека Љ.Ј. управувал возило со 1,80 промили алкохол во крвта. По наредба на јавен обвинител, неговото возило е одземено.

— реклама —

Увид на местото на несреќата извршиле полициски екипи, а по целосното документирање на случајот против Љ.Ј. ќе биде поднесена соодветна кривична пријава.