„Со часовници од 60 илјади евра, одела од 5 илјади евра и бизниси арамијата Мицкоски се прогласи за елита“, вели СДСМ

СДСМ преку соопштение упати остри критики кон премиерот Христијан Мицкоски, обвинувајќи го дека ужива во луксуз додека граѓаните се соочуваат со високи цени и економски тешкотии.

— реклама —

„Со часовници од 60 илјади евра, со одела „Зења“ и „Бриони“ од по 5 илјади евра, со бизниси... арамијата Мицкоски се прогласи за македонска елита“, наведуваат од СДСМ.

Од партијата велат дека граѓаните се соочуваат со високи трошоци за живот, стагнација на платите и, како што тврдат, најниска минимална плата во Европа, додека, според нив, „новата буржоазија“ ужива во луксуз.

— реклама —

СДСМ го обвинува Мицкоски и дека ги навредува граѓаните нарекувајќи ги „талог“.

— реклама —

„Граѓаните не се талог. Граѓаните се сопственици на оваа држава“, стои во партиската реакција.

Од СДСМ наведуваат дека бараат одговорност за, како што тврдат, криминалот и најавуваат дека „оваа елита ќе одговара“. Притоа, додаваат дека граѓаните ќе ја „вратат власта во свои раце“.

— реклама —

„Еден побегна. Овие нема да побегнат“, порачуваат од СДСМ.