Со картичка и полномошно на починат сопруг подигала пари од негова банкарска сметка

Министерство за внатрешни работи соопшти дека Надворешна канцеларија за криминалистички работи Делчево поднела кривична пријава против 54-годишната Р.С. од Делчево поради сомнение за сторено кривично дело „оштетување и неовластено навлегување во компјутерски систем“.

— реклама —

Според полицијата, на 23 декември 2025 година пријавената ги искористила податоците и полномошното на нејзиниот починат сопруг, при што со дебитна картичка подигнала готовина од банкомат и извршила други плаќања.

— реклама —

— реклама —

Следниот ден, како што наведуваат од МВР, таа ги довела во заблуда вработените во банка, не кажувајќи дека сопругот е починат, по што со полномошното подигнала дополнителни средства и на шалтер.

— реклама —

Од полицијата информираат дека против неа е поднесена соодветна кривична пријава.