Со лажни документи извлекла над милион динари од буџетот на Јагодина, уапсена жена од Белград

Во рамки на акцијата за сузбивање на корупцијата и финансискиот криминал, српската полиција уапсила жена осомничена дека со измама незаконски присвоила повеќе од еден милион динари од буџетот на градот Јагодина.

— реклама —

Како што соопшти Министерството за внатрешни работи на Србија, по налог на Посебното одделение за сузбивање на корупцијата при Вишото јавно обвинителство во Краљево, приведена е Ј.А. (1986) од Белград.

Таа е осомничена дека како одговорно лице во две здруженија од Јагодина сторила кривично дело „измама во службата“.

— реклама —

Според истрагата, во периодот од април до декември 2021 година, со поднесување лажни пресметки и фалсификувани договори за авторски права, ја довела во заблуда надлежната служба, по што од буџетот на градот Јагодина биле незаконски исплатени вкупно 1.280.000 динари.

— реклама —

Средствата биле наменети за реализација на програмите од јавен интерес „Преку тастатура до работа“ и „Зајакнување и поддршка на социјално загрозени деца и нивните семејства“.

Со ваквите дејствија, според сомнежите, осомничената стекнала противправна имотна корист во износ од 1,28 милиони динари.

— реклама —

На Ј.А. ѝ е одредено задржување до 48 часа, по што со кривична пријава ќе биде изведена пред надлежното обвинителство.