Со ловечка пушка усмртил куче, уапсен 72-годишник од Радовиш

Седумдесет и двегодишен жител на Радовиш е лишен од слобода откако полицијата утврдила дека со ловечка пушка усмртил куче на улица, соопшти Министерството за внатрешни работи.

— реклама —

Според МВР, на 3 јули во 10:30 часот, полициски службеници од ОВР Радовиш го привеле Р.Л. (72) од Радовиш. Претходно било пријавено дека на 2 јули околу 22:00 часот на улицата „Благој Мучето“ се слушнал истрел од огнено оружје, по што на улицата било пронајдено усмртено куче.

— реклама —

Со преземените мерки било утврдено дека во кучето пукал Р.Л., кој во службен разговор го признал делото. Од него била одземена ловната пушка „Застава М75“, која ја поседувал со важечка дозвола.

— реклама —

Увид на местото извршиле инспектор за храна и ветеринарство, ветеринарен лекар и увидна екипа од ОВР Радовиш, при што било утврдено дека кучето е сопственост на Д.М. од Радовиш.

— реклама —

За случајот е известен јавен обвинител од Основното јавно обвинителство Струмица, а по неговото целосно документирање против Р.Л. ќе биде поднесена кривична пријава.