Жена од Прилеп пријавила во полиција дека била измамена за околу 700.000 денари, откако со месеци испраќала пари на лице со кое комуницирала преку социјалните мрежи.
Според Министерството за внатрешни работи, на 14 јули 2026 година, во 14:30 часот, во ОВР Прилеп, жената пријавила дека комуникацијата започнала во февруари годинава. Лицето од кое била контактирана ѝ побарало финансиска помош, тврдејќи дека парите му се потребни за лекување на неговото болно дете.
Верувајќи во приказната, таа во неколку наврати му исплатила вкупно околу 700.000 денари. Подоцна сфатила дека станува збор за измама и случајот го пријавила во полиција.
Од МВР информираат дека се преземаат мерки за целосно расчистување на случајот.
