Со остар предмет оштетени пневматици на службено возило пред Центарот за социјални работи во Тетово

Оштетени биле пневматиците на службено возило на Центарот за социјални работи во Тетово, додека постои сомнение дека е оштетена гума и на уште едно возило во сопственост на установата.

— реклама —

Случајот бил пријавен на 6 октомври во 11:00 часот во СВР Тетово. Од Центарот за социјални работи пријавиле дека во периодот од 08:00 до 08:30 часот, со остар предмет биле оштетени предните и задните пневматици на службеното патничко возило „пежо“, кое било паркирано на паркингот на установата.

— реклама —

— реклама —

Пријавено е и можно оштетување на гума на патничко возило „дачиа“, исто така во сопственост на установата, кое било паркирано пред влезот на зградата. Возилото заминало кон Скопје поради итни потреби, а возачот забележал дека една од гумите била издишана, по што ја заменил.

На местото бил извршен увид, а полицијата презема мерки за откривање на сторителите и целосно расчистување на случајот.