Со специјални очила им покажуваа на возачите како алкохолот влијае врз нивните способности

Полициски службеници во Куманово спроведоа превентивна активност во која граѓаните со помош на специјални очила можеа да почувствуваат како алкохолот влијае врз способностите потребни за управување возило.

— реклама —

Активноста била организирана вчера од Отсекот за превенција при СВР Куманово и Општинскиот совет за превенција, со цел зголемување на сообраќајната култура и свеста за опасностите од возење под дејство на алкохол.

— реклама —

— реклама —

Специјалните очила симулираат намалени способности какви што може да има лице под дејство на алкохол, а граѓаните практично можеле да го почувствуваат нивното влијание.

Од МВР потсетуваат дека алкохолот ги намалува возачките вештини и ги нарушува психомоторните способности, со што се загрозуваат и возачот и останатите учесници во сообраќајот.