Со туѓи лични податоци подигнувале брзи кредити и присвоиле над 12 милиони денари, кривична за две кумановки и петмина банкари

Две жени од Куманово и петмина банкарски службеници се соочуваат со кривични пријави поради сомнение за измама, злоупотреба на лични податоци и злоупотреба на службената положба, со кои повеќе граѓани биле оштетени за вкупно 12.221.500 денари.

— реклама —

Од СВР Куманово информираат дека кривична пријава е поднесена против А.С.Д. (23) и М.В. (35) поради сомнение за измама и злоупотреба на лични податоци, како и против петмина вработени во филијала на банка поради сомнение за злоупотреба на службената положба и овластувањето.

— реклама —

— реклама —

Според пријавата, помеѓу јануари и јули 2026 година, првопријавената во 18 наврати користела лични податоци на повеќе лица за да аплицира за брзи потрошувачки кредити во нивно име, без нивна согласност. По одобрувањето и исплатата на кредитите, парите биле противправно присвоени од двете жени.

Останатите петмина пријавени, кои работеле како банкарски службеници, според сомневањата ѝ овозможиле на измамата да биде реализирана и да се располага со средствата. На тој начин, двете жени се стекнале со противправна имотна корист од вкупно 12.221.500 денари.