Времето денеска ќе биде сончево со мала до умерена облачност и со дневни температури до 32 степени. Во попладневните часови на повеќе места ќе има локална појава на нестабилност проследена со пороен дожд, грмежи и засилен ветер, а можно е и изолирано појавување на град.
Ќе дува слаб до умерен ветер, во западните делови од западен правец, а долж Повардарието од југоисточен. Утринските температури ќе се движат од 9 до 16 степени, додека дневните ќе достигнат од 25 до 32 степени.
Во Скопје ќе преовладува сончево време со мала до умерена облачност. Попладне во одделни делови од котлината ќе има услови за пороен дожд и грмежи. Температурата ќе се движи од минимални 13 до максимални 30 степени.
Според прогнозите, и во наредните денови времето ќе биде променливо облачно со сончеви периоди. Во попладневните часови ќе се создава нестабилна облачност која локално ќе носи пороен дожд, грмежи и засилен ветер.
Под влијание на циклонска активност, во четврток се очекува влошување на временските услови со поинтензивни атмосферски процеси. Метеоролозите најавуваат пообилни врнежи од дожд, на места над 20 литри на квадратен метар, проследени со грмежи, засилен ветер и услови за изолирана појава на град.
