Сончево и топло со температури до 34 степени, попладне можни поројни дождови и град

Времето денеска ќе биде сончево и топло со мала до умерена облачност, а максималната температура ќе достигне од 27 до 34 степени.

— реклама —

Според прогнозата, ќе дува слаб до умерен ветер од северен правец. Од пладневните часови се очекува локален развој на нестабилна облачност, проследена со пороен дожд, грмежи и засилен ветер.

— реклама —

Во одделни делови од земјата ќе има услови и за изолирана појава на краткотрајно невреме со град.

— реклама —

Во Скопје времето ќе биде сончево и топло со мала до умерена облачност. Ќе дува слаб до умерен северен ветер, а во попладневните часови во делови од котлината се очекува нестабилност со пороен дожд, грмежи и засилен ветер.

— реклама —

Максималната дневна температура во главниот град ќе достигне до 32 степени Целзиусови.