Сончево и топло, температурите до 34 степени – од среда дожд, грмежи и засилен ветер

Времето денес ќе биде сончево и топло со мала до умерена локална облачност. Ќе дува слаб до умерен ветер, во западните делови од западен правец, кој повремено ќе засилува, додека долж Повардарието и во источните региони ќе преовладува југоисточен ветер.

— реклама —

Утринските температури ќе се движат од 7 до 16 степени, а дневните ќе достигнат од 27 до 34 степени Целзиусови.

— реклама —

Во Скопје се очекува сончево и топло време со мала облачност. Ќе дува слаб до умерен ветер претежно од југоисточен правец. Минималната температура ќе изнесува околу 13 степени, а максималната ќе достигне до 34 степени.

— реклама —

Според прогнозите, во текот на новата работна седмица ќе преовладува топло време. Во вторник ќе има локален развој на нестабилна облачност, додека во среда на повеќе места се очекуваат пороен дожд, грмежи и засилен ветер.

— реклама —

Од четврток повторно ќе доминира сончево време со променлива облачност во текот на денот, а температурите ќе останат високи за овој период од годината.