Сончево, но нестабилно попладне: Се очекуваат пороен дожд, грмежи и град

Сончево време со мала до умерена облачност нè очекува денес, но во попладневните часови локално ќе има врнежи од дожд и засилен ветер.

— реклама —

На места ќе има услови за нестабилност во форма на невреме, проследено со пороен дожд, грмежи и појава на град. Ќе дува слаб до умерен ветер од северен правец.

— реклама —

Минималната температура ќе биде во интервал од 8 до 16 степени, додека максималната ќе достигне од 21 до 29 степени.

Во Скопје ќе биде сончево со мала до умерена облачност. Во делови од котлината ќе има услови за нестабилност проследена со пороен дожд и грмежи. Ќе дува слаб до умерен ветер од северен правец. Минималната температура ќе се спушти до 14, а максималната ќе достигне до 24 степени.

— реклама —

До крајот на новата работна седмица ќе се задржи претежно сончево време со мала до умерена облачност. Утре во попладневните часови локално ќе има врнежи од дожд и засилен ветер, а на места ќе има услови за невреме со пороен дожд, грмежи и појава на град.

— реклама —

Утре ќе дува слаб до умерен ветер од северозападен правец, а од среда ветерот ќе го смени правецот во југоисточен.