Едно лице е тешко повредено, а четири се здобиле со телесни повреди во сообраќајна несреќа што се случила вчера попладне на улицата „Лазар Личеновски“ во Скопје, соопшти Министерството за внатрешни работи.
Според информациите, несреќата се случила околу 17:50 часот помеѓу патничко возило „БМВ“, управувано од 25-годишниот Е.К. од селото Визбегово, и патничко возило „сеат леон“, кое го управувала 48-годишната С.П. од селото Бразда.
Во судирот со тешки телесни повреди се здобил 25-годишниот сопатник во „БМВ“, Д.С. од селото Сингелиќ. Со телесни повреди се здобиле двајцата возачи, како и 24-годишната сопатничка во „сеат леон“, И.П. од селото Бразда.
Повредените биле пренесени во Комплексот клиники „Мајка Тереза“ и во ЈЗУ „Св. Наум Охридски“ во Скопје, каде им била укажана лекарска помош.
Увид на местото на несреќата извршила увидна екипа на СВР Скопје.
