Сообраќајот на државните патишта се одвива непречено, без подолги задржувања на границите

Сообраќајот на државните патишта утринава се одвива непречено и по суви коловози, а интензитетот на возила надвор од градските средини е умерен, информираат од Авто-мото сојузот на Македонија (АМСМ).

— реклама —

Според утринскиот извештај на АМСМ, на граничните премини од македонска страна засега нема подолги задржувања ниту за влез, ниту за излез од државата.

— реклама —

— реклама —

Од АМСМ апелираат до возачите да ја прилагодат брзината на движење кон условите на патот, да ја почитуваат поставената сообраќајна сигнализација и внимателно да управуваат со возилата.

Посебна внимателност се препорачува на патиштата што минуваат низ котлини, речни долини и клисури, каде што постои можност од појава на одрони. Ова особено се однесува на патните правци Катланово – Велес, Маврово – Дебар – Струга, Виница – Берово и Кочани – Делчево.