Центарот за управување со кризи објави состојба по невремето и обилните врнежи од дожд што денеска зафатија повеќе делови од државата. Преку Единствениот повикувачки број 112 се примени голем број пријави за поплави, паднати дрвја, оштетена инфраструктура и други последици, а надлежните институции се на терен и работат на санирање на состојбата.
Најпогоден е скопскиот регион, каде што се регистрирани поплавени подвозници, кружни текови, улици, куќи, подруми, гаражи и магацински простории. Вода навлегла и во подрумските и гаражните простории на Македонската академија на науките и уметностите, како и во главниот хол и амфитеатарот. Пријавено е и зголемено ниво на реката Серава во Општина Бутел, како и опасност од прелевање на канал во Горно Лисиче.
Во Куманово се пријавени поплавени подрумски простории, станбени и деловни објекти на повеќе локации, а екипите на локалната самоуправа, противпожарната единица и јавните претпријатија работат на расчистување на последиците.
Во Струмица и Радовиш се евидентирани паднати дрвја, електрични жици, бандери и поплавени улици, додека во Велес, Кавадарци и Свети Николе надлежните служби интервенирале поради паднати дрвја, одрони и испумпување вода од поплавени простории.
Во Полошкиот регион најпогодено е селото Нераште во Општина Теарце, каде што поради обилните врнежи и недоволниот капацитет на каналскиот систем се поплавени повеќе куќи и подрумски простории, при што е причинета материјална штета. Формирана е комисија за проценка на штетите.
Според информациите на Центарот за управување со кризи, пријави за последици од невремето и натаму пристигнуваат, а надлежните служби остануваат на терен сè до целосно нормализирање на состојбата.
(Видео) Скопје „стана“ Грција – жител пловеше со душек низ поплавениот подвозник
Поројниот дожд што денеска го зафати Скопје повторно предизвика поплавени улици и подвозници, а една несекојдневна сцена го привлече вниманието на граѓаните.На видеоснимка што се споделува на социјалните мрежи се гледа жител кој, наместо да ја заобиколи насобраната вода, решил да ја искористи ситуацијата на поинаков начин. Со гумен душек тој буквално плови низ поплавениот подвозник, додека присутните ја снимаат необичната глетка.Снимката за кусо време стана хит на социјалните мрежи, а бројни кор
Скопје | пред 1 месец
