Спасено тригодишно мече тешко 70 килограми, се заглавило во нелегално поставена сајла во Велешко

Мече тешко околу 70 килограми били спасено во месноста Чеплес во Велешко, откако се заглавилао во нелегално поставена сајла. По интервенцијата на надлежните институции и ветеринар од скопската Зоолошка градина, животното било ослободено и вратено во природата.

— реклама —

Случајот го пријавило ловечкото друштво „Руен“ од Велес, а информацијата преку Македонското еколошко друштво стигнала до Државниот инспекторат за животна средина. Мечето била пронајдена во близина на рибникот Нежилово, на околу 1,5 километар оддалеченост.

— реклама —

По пријавата, на терен излегле двајца државни инспектори во координација со СВР Велес и ловечкото друштво. Мечето било успиено и прегледано од ветеринар, по што сајлата била отстранета, а животното било пуштено во шумата.

— реклама —

Од Државниот инспекторат за животна средина информирале дека станува збор за машко мече стара околу три години, кај кое не биле забележани видливи повреди од примката.

За случајот бил известен и јавен обвинител од Велес. Полицијата ја одзела нелегално поставената примка за вештачење, со цел да се утврдат околностите и да се преземат понатамошни законски мерки.