(Видео) Мечка прескокнува ограда и влегува во двор во гостиварско

Мечка била забележана во дворот на семејна куќа во гостиварското село Дебреш, а снимки од безбедносни камери покажуваат како животното ја прескокнува оградата и трча низ тревата.

— реклама —

На друга снимка, направена околу 15 минути подоцна, мечката се гледа како поминува низ празен паркинг.

Ловечкото друштво „ДРЕНИ“ од Дебреш упати апел до жителите да бидат внимателни, особено навечер и во текот на ноќта. Од друштвото ги повикаа граѓаните да не ги оставаат децата сами надвор, да внимаваат на постарите лица и да не ѝ се приближуваат на мечката доколку ја забележат.

— реклама —

„Доколку забележите мечка, не ѝ се приближувајте и не се обидувајте да ја вознемирувате“, предупредуваат од ловечкото друштво.

— реклама —

Граѓаните што ќе го забележат животното треба веднаш да ја известат полицијата или да се јават во ловечкото друштво на телефонскиот број 070 360 333.

Од „ДРЕНИ“ нагласуваат дека безбедноста на жителите, особено на децата и постарите лица, е приоритет и дека се подготвени да соработуваат со надлежните институции.

View this post on Instagram