Спасовски: Укинувањето на техничката влада не е реформа, туку чекор назад

Координаторот на пратеничката група на СДСМ, Оливер Спасовски, на собраниската седница изјави дека предложените измени на Законот за Владата на Република Македонија не претставуваат суштинска реформа, туку обид по скратена постапка да се укине техничката влада без политички консензус и јавна дебата.

— реклама —

Спасовски посочи дека токму актуелниот премиер Христијан Мицкоски во 2018 година барал повторно воведување на техничката влада до членството на државата во Европската Унија, а сега бара нејзино укинување.

— реклама —

— реклама —

Тој оцени дека вакви важни прашања треба да се решаваат со договор меѓу парламентарните партии, а не еднострано. Според него, носењето на законот по скратена постапка покажува недостаток на политички дијалог и демократски капацитет.

— реклама —

Од СДСМ најавија дека ќе гласаат против предложеното законско решение.