Агенцијата за храна и ветеринарство (АХВ) спречи увоз на 23.685 килограми замрзнато пилешко месо со потекло од Бразил, поради непочитување на важечката забрана поврзана со заштитата од високопатогена авијарна инфлуенца, позната како птичји грип.
Како што информираат од АХВ, официјалните ветеринари ја одбиле пратката бидејќи месото било произведено во јануари 2025 година, додека според донесеното решение е забранет увоз на пратки добиени од животни кои биле заклани, натоварени и сертифицирани пред 1 август 2025 година.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Ова не е прв ваков случај. Од Агенцијата потсетуваат дека во декември 2025 година, поради истата причина, на граничен премин била вратена во Бразил и пратка со повеќе од 26 тони замрзнати пилешки батаци.
Од АХВ апелираат до увозниците доследно да ги почитуваат законските прописи, подзаконските акти и стандардите за безбедност на храната, нагласувајќи дека заштитата на здравјето на граѓаните останува врвен приоритет и за институцијата и за државата.
