Србија ја продолжи забраната за извоз на нафта и нафтени деривати до 30 септември

Владата на Србија ја продолжи одлуката за привремена забрана на извозот на нафта и нафтени деривати до 30 септември, објавено е во „Службен гласник“.

— реклама —

— реклама —

Одлуката за изменување на мерката Владата ја донела на 27 август, со што нејзиното важење е продолжено за уште еден месец, односно рокот е поместен од 31 август на 30 септември. Одлуката ја потпишал српскиот премиер Ѓуро Мацут.

— реклама —

Владата на Србија на 9 март на вонредна седница првично донела одлука за забрана на извозот на нафта и нафтени деривати. Мерката потоа неколкупати била продолжувана со цел да се заштити домашниот пазар од недостиг и зголемување на цените, во услови на нарушувања на глобалниот пазар на нафта.