Три земјотреси се регистрирани во Србија во текот на изминатите неколку часа, соопшти Републичкиот сеизмолошки завод.
Два потреси утрово ја погодиле Сокобања во интервал од околу половина час. Првиот земјотрес бил со јачина од 3 степени според Рихтеровата скала и е регистриран на длабочина од два километри, додека вториот бил со магнитуда од 1,8 степени.
Засега нема информации за евентуална материјална штета, а сеизмолозите посочуваат дека потреси со ваков интензитет вообичаено не предизвикуваат значителни оштетувања.
Претходно, синоќа нешто по 21 часот, земјотрес бил регистриран и во Крагуевац. Според податоците на Републичкиот сеизмолошки завод, потресот бил со јачина од 1,8 степени според Рихтеровата скала и се случил во 21:14 часот, на длабочина од девет километри.
Од Заводот наведуваат дека земјотресите со ваков интензитет не можат да предизвикаат оштетувања на објектите во епицентралното подрачје, но можат да бидат почувствувани од дел од населението.
