Србинка тешко повредена во Грција: Паднала од џет-ски и се здобила со повреда на главата

Туристка од Србија е потешко повредена откако паднала од скутер на вода во морската област Гларокавос, на Касандра, во Грција.

Несреќата се случила вчера попладне, кога 36-годишната жена паднала од џет-ски во морето. При падот се здобила со повреда на главата и ја изгубила свеста.

— реклама —

Прва помош ѝ пружиле сопругот и менаџерот на компанијата за изнајмување чамци, по што на местото пристигнала екипа на итната медицинска помош. Повредената првично била пренесена во Здравствениот центар Касандра, а поради сериозноста на повредите потоа била префрлена во Општата болница Халкидики.

— реклама —

Оттаму, жената била транспортирана во болницата „Папаниколау“ во Солун, каде што е задржана на понатамошни прегледи и следење.

Случајот го истражува Втората пристанишна управа на Неа Мудања при Централната пристанишна управа на Солун. Во рамки на прелиминарната истрага бил уапсен 53-годишниот менаџер на компанијата која ѝ го изнајмила скутерот.

— реклама —

Според грчките медиуми, тој е обвинет за прекршување на одредбите од Кривичниот законик што се однесуваат на изложување лице на опасност и нанесување телесни повреди од небрежност.

Во текот на истрагата било утврдено дека скутерот на вода ѝ бил изнајмен на жената иако, според наводите на надлежните, таа не поседувала потребна дозвола за управување со глисер.

Надлежните продолжуваат со истрагата за да се утврдат сите околности под кои се случила несреќата.