Српски државјанин се обидел да прошверцува 5.000 штеки цигари скриени во камион со изолациски материјал, Обвинителството бара притвор

Основното јавно обвинителство Гевгелија отвори истражна постапка против државјанин на Србија, осомничен за кривичното дело избегнување плаќање акциза.

— реклама —

Според Обвинителството, осомничениот се обидел да избегне плаќање акциза во вредност од речиси пет милиони денари, пренесувајќи 5.000 штеки цигари без акцизни маркички преку граничниот премин Богородица.

— реклама —

Тој со камион-влекач и приколка со српски регистарски ознаки, сопственост на транспортна компанија од Србија, влегол во земјава и пријавил транзит на стока декларирана како материјал за изолација.

— реклама —

При царинската контрола, над пријавената стока биле пронајдени 100 картонски кутии со 5.000 штеки цигари без акцизни маркички.

Јавниот обвинител до судијата на претходна постапка при Основниот суд во Гевгелија поднел предлог за определување мерка притвор, поради опасност од бегство, можност за прикривање или уништување докази, како и можност осомничениот да влијае врз сведоци или евентуални соучесници во постапката.