Српски државјанин возел 221 км/ч на автопатот кај Гевгелија, полицијата му го одзела возилото

Српски државјанин бил лишен од слобода откако бил фатен како управува возило со брзина значително поголема од дозволената на автопатот Скопје – Гевгелија.

— реклама —

Како што информираат од МВР, на 25 јуни околу 20:10 часот, кај Милетково, полициски службеници од ОВР Гевгелија при сообраќајна контрола со радар го запреле М.С. (60) од Република Србија.

— реклама —

— реклама —

При контролата било утврдено дека тој управувал патничко возило „БМВ“ со српски регистарски ознаки со брзина од 221 километар на час, на делница каде што максимално дозволената брзина изнесува 120 километри на час.

— реклама —

Возилото било одземено, а возачот бил задржан во полициска станица. По целосно документирање на случајот, против него ќе биде поднесена соодветна пријава.