Стабилно и топло до четврток, потоа дожд и локални невремиња

Денес утрото ќе биде ведро и студено, а во текот на денот ќе преовладува сончево и релативно топло време со мала до умерена локална облачност.

— реклама —

Ќе дува слаб до умерен ветер од јужен правец. Минималната температура ќе се движи од -3 до 8 степени, додека максималната ќе достигне од 22 до 28 степени.

Во Скопје ќе биде сончево и релативно топло, со мала облачност. Ќе дува слаб ветер од променлив правец. Минималната температура ќе се спушти до 2 степени, а максималната ќе достигне 26 степени.

— реклама —

Во четврток утрото ќе биде постудено, но во текот на денот повторно ќе преовладува сончево време со мала до умерена облачност.

— реклама —

Позначителна промена на времето се очекува од петок, кога ќе има променлива облачност со повремени врнежи од дожд.

Врнежите во некои места ќе бидат пообилни, а локално ќе има и пороен дожд проследен со ретки грмежи.

Во текот на викендот ќе продолжи променливото облачно време со повремени врнежи, додека утринските температури ќе бидат во пораст.