Стан во Загреб за помалку од 30.000 евра – државата нуди недвижности на продажба

Хрватската држава распиша тендер за продажба на 19 недвижности во сопственост на Република Хрватска, меѓу кои станови, гаражи и деловни простори. Од понудените имоти, 18 се наоѓаат во Загреб, а еден во Сплит.

— реклама —

Најниската почетна цена е 28.800 евра за стан со површина од 16,72 квадратни метри на улицата „Отон Кучера“ во Загреб. Во истата зграда се продава и уште еден стан од 17,72 квадратни метри со почетна цена од 30.500 евра.

— реклама —

Во понудата се и шест гаражи во населбата Сигет, со површина од 11 до 13 квадратни метри, чии почетни цени се движат од 17.800 до 21.000 евра.

Меѓу останатите недвижности се издвојуваат стан од околу 32 квадратни метри на Далматинска улица со почетна цена од 105.000 евра, еднособен стан на Прилез „Ѓуро Дежелиќ“ за 94.800 евра, како и повеќе помали станови во населбите Максимир, Медведградска и Војновиќева.

— реклама —

Надвор од Загреб, на продажба е ставен и деловен простор во Сплит, на улицата Појишанска, со површина од околу 32 квадратни метри и почетна цена од 126.000 евра.

— реклама —

Од надлежните институции наведуваат дека недвижностите се со различна големина, намена и степен на уреденост, а дел од нив бараат дополнителни вложувања и адаптација. Почетните цени се утврдени врз основа на проценки изработени од овластени судски вештаци.