Становите во ЕУ поскапеле за 5,1 отсто, кириите растат во речиси сите земји

Цените на становите во Европската Унија продолжија да растат и во првиот квартал од 2026 година, покажуваат најновите податоци. Во споредба со истиот период лани, недвижностите поскапеле во просек за 5,1 отсто, додека цените на закупнините се зголемиле за три проценти.

— реклама —

Според достапните национални податоци, во 19 земји-членки цените на становите растеле побрзо од цените на кириите, ако се спореди првиот квартал од 2026 година со годишниот просек за 2025 година.

— реклама —

Најголемо зголемување на цените на становите е регистрирано во Португалија, каде што тие пораснале за 10,3 отсто; следуваат Бугарија со 9,4 отсто и Словачка со 9,1 отсто.

Од друга страна, пад на цените е забележан само во две земји – Франција, каде што тие се намалиле за 0,5 отсто, и Финска, со пад од 1,8 отсто.

— реклама —

Во однос на закупнините, тие пораснале речиси во сите земји од Европската Унија. Исклучок се Словенија, каде што е забележан пад од 0,9 отсто, и Финска, каде што цените останале непроменети.

Најголем раст на кириите е регистриран во Хрватска – дури 21,9 отсто, по што следуваат Бугарија со 6,4 отсто и Грција со пет проценти.