Штипјанец фатен на дело при подметнување пожар

Полициски службеници од СВР Штип лишиле од слобода 25-годишен жител на Штип, откако бил затекнат како пали сува трева во близина на магистралниот пат Штип–Кочани.

— реклама —

Како што информираат од Министерството за внатрешни работи, на 11 јуни околу 12:30 часот во селото Долни Балван бил приведен Б.С. (25) од Штип. Претходно, околу пладне, тој бил забележан како потпалува сува трева помеѓу пат и нива во сопственост на 36-годишниот С.З. од Штип.

— реклама —

Во пожарот биле опожарени сува трева и една бала детелина, сопственост на оштетениот.

— реклама —

За случајот бил известен јавен обвинител, а по неговото целосно расчистување и документирање, против осомничениот ќе биде поднесена соодветна пријава.

— реклама —

Од МВР повторно апелираат до граѓаните да не палат оган на отворено, особено во услови на високи температури и зголемен ризик од ширење пожари, бидејќи ваквите постапки можат да предизвикаат сериозни последици по имотот и животната средина.