„Што открија Орце и дронот? Четири дена молк, а Скопје е загадено“, велат од СДСМ

СДСМ преку соопштение ја повика градската власт да ја информира јавноста за резултатите од истрагата за загадувањето на реките Лепенец и Вардар, посочувајќи дека четири дена по инцидентот сè уште нема официјални информации за причините и одговорните.

— реклама —

Од партијата потсетуваат дека градоначалникот на Скопје, Орце Ѓорѓиевски, веднаш по појавата на белата пена во Лепенец најавил дека ќе биде спроведена истрага со употреба на дрон и дека, како што рекол, нема да има толеранција кон загадувачите.

— реклама —

„По четири дена јавноста сè уште не знае кој ги загадил Лепенец и Вардар“, наведуваат од СДСМ.

Во реакцијата, партијата упатува критики и за, како што оценува, состојбата со комуналната хигиена во главниот град, како и за најавите за набавка на нова комунална опрема и електрични автобуси.

— реклама —

Од СДСМ прашуваат дали истрагата е завршена и зошто досега не се објавени резултатите, оценувајќи дека граѓаните заслужуваат јасен одговор за случајот.

— реклама —

„Граѓаните заслужуваат одговор, а не нови ветувања“, се наведува во партиското соопштение.