Што смее, а што не смее да се внесе во Хрватска? Стапија на сила нови правила

Хрватска од 1 јуни започна со примена на нови европски безбедносни и царински процедури за стоките што влегуваат на територијата на Европската Унија преку нејзините гранични премини. Новите правила се однесуваат на патниот и железничкиот транспорт и имаат цел подобра контрола на увозот на стоки од земјите што не се членки на Унијата.

Според новите прописи, пред пристигнувањето на стоката на хрватската граница мора да биде поднесена скратена декларација за влез. За оваа обврска најчесто е задолжен превозникот, но декларацијата може да ја поднесе и овластен претставник, примачот на стоката или друго лице овластено за таа постапка. За поднесување на документите неопходен е валиден EORI број издаден во некоја од земјите членки на ЕУ.

— реклама —

Во патниот транспорт декларацијата треба да биде доставена најмалку еден час пред пристигнувањето на стоката на првиот граничен премин во ЕУ, додека кај железничкиот сообраќај роковите зависат од времетраењето на патувањето.

— реклама —

Хрватските царински служби предупредуваат дека непочитувањето на роковите може да доведе до дополнителни проверки, задржување на стоката и одложување на понатамошниот транспорт.

Новите правила не се однесуваат на личниот багаж на патниците. За лична употреба и понатаму важат одредени царински ослободувања, при што патниците што влегуваат по копнен пат можат да внесат стока во вредност до 300 евра без дополнителни давачки.

— реклама —

Истовремено остануваат во сила и ограничувањата за внес на алкохол, цигари и други акцизни производи, како и строгите правила за производи од животинско потекло. На патниците од повеќе земји надвор од ЕУ не им е дозволено да внесуваат месо, млеко и производи направени од нив.

— реклама —

Царинските власти дополнително потсетуваат дека стоката што се превезува во товарен простор на возила, како што се мебел, апарати за домаќинство, градежни материјали или резервни делови, не се третира како личен багаж и за неа важат редовните царински постапки.

За производи што ги надминуваат дозволените количини потребна е дополнителна документација и контрола, а непријавената стока може да биде одземена, при што се предвидени и парични казни за прекршителите.