Струјата во Македонија поскапа отколку во Црна Гора и БиХ, покажуваат податоците на Евростат

Домаќинствата во Македонија плаќаат 11,6 евроценти за 100 киловат-часови електрична енергија, со што земјава е меѓу државите со највисоки цени на Западен Балкан, покажуваат најновите податоци на Евростат за првата половина од 2026 година.

— реклама —

Според статистиката, најскапа струја во регионот имаат Србија и Албанија, каде што цената изнесува по 11,9 евроценти за 100 киловат-часови. Македонија е веднаш зад нив, додека во Црна Гора цената е 10,3, а во Босна и Херцеговина 9,9 евроценти.

— реклама —

Во првите шест месеци од 2026 година цените на електричната енергија во земјите од Западен Балкан останале речиси непроменети, со незначителни зголемувања.

— реклама —

Полугодишниот извештај на Евростат ги опфаќа домаќинствата со годишна потрошувачка од 2.500 до 4.999 киловат-часови. Покрај номиналните цени во евра, агенцијата ги споредува и трошоците според стандардот на куповна моќ, показател што ги зема предвид разликите во реалната куповна моќ на граѓаните.

— реклама —

На европско ниво, најголем раст на цените изразени во националните валути е забележан во Романија, додека најголемо намалување имало во Данска.