Струмичката петорка останува дел од македонското колективно паметење, порача Мицкоски

Премиерот Христијан Мицкоски денеска, 13 август, оддаде почит на Струмичката петорка, потсетувајќи на Мирко Пецев, Ѓорги Јармов, Ѓорги Костуранов, Борис Белев и Стево Топчев.

— реклама —

Во објавата на социјалните мрежи, Мицкоски ги опиша како пет млади животи и струмички студенти кои останале запишани во македонската историја како симбол на генерација која сонувала за слобода, достоинство и подобра иднина за својот народ.

— реклама —

„Нивната трагична судбина е дел од болните страници на нашата историја“, наведува Мицкоски, додавајќи дека нивниот спомен треба да се чува со почит и достоинство.

Премиерот посочи дека сеќавањето на жртвите од минатото носи и обврска за градење иднина во која почитта, правдата и човечкото достоинство ќе бидат темели на општеството.

— реклама —

Мицкоски упати почит и до семејствата на петтемина, како и до сите млади луѓе кои низ историјата ја носеле надежта за подобра иднина.

„Нека нивните имиња останат дел од нашето колективно паметење. Вечна им слава!“, порача Мицкоски.