Стружанецот што го навредуваше Мицкоски во Ташмаруништа ќе одговара за насилство

Полицијата поднесе кривична пријава против 52-годишен стружанец кој ги навредувал членовите на делегацијата што присуствуваше на одбележувањето на Илинден во селото Ташмаруништа, меѓу кои бил и премиерот Христијан Мицкоски.

— реклама —

Од Министерството за внатрешни работи информираат дека ОВР Струга поднела кривична пријава против С.Г. (52) од Струга поради основано сомнение дека сторил кривично дело „насилство“ од член 386 став 5 од Кривичниот законик.

— реклама —

— реклама —

Според МВР, тој на 2 август околу 14:15 часот бил лишен од слобода по претходна пријава дека упатувал вербални навреди кон јавни личности присутни на настанот по повод одбележувањето на 2 Август.

— реклама —

Првично, против него постоело сомнение за кривично дело „спречување службено лице во вршење службено дејствие“, но подоцна делото било преквалификувано во „насилство“.