Студентите бараат субвенции за поскапиот меѓуградски превоз, Јаневска: Ќе видиме што можеме да направиме

Со поскапувањето на меѓуградскиот автобуски превоз, дополнителен финансиски товар се создава за студентите кои студираат надвор од местото на живеење. За оние кои патуваат на релациите Тетово-Скопје или Куманово-Скопје, месечните трошоци за превоз може да достигнат околу 6.000 денари.

— реклама —

Студентските организации реагираат на зголемените цени и бараат меѓуградскиот превоз да биде субвенциониран за студентите кои студираат во друг град.

— реклама —

Министерката за образование, Весна Јаневска, вели дека до Министерството досега не стигнала иницијатива од студентите за ова прашање.

„Како и сите други иницијативи, така и оваа ќе биде разгледана и ќе им биде одговорено во рамките на нашите буџетски можности“, изјави Јаневска.

— реклама —

На прашањето дали е предвидено воведување субвенција за меѓуградскиот превоз, министерката посочи дека најпрво треба официјално да биде доставена иницијативата.

„Јас мислам дека бев сосема јасна, ќе ја разгледаме иницијативата, ќе одговориме во рамките на нашите буџетски можности. Не можам иницијатива која не стигнала да ја предвидувам, ќе видиме што можеме да направиме“, рече Јаневска.