Студентите во Албанија 22 дена протестираат и бараат оставка од Рама и владата

Албанскиот премиер Еди Рама повторно ги повика студентите на дијалог, додека протестите во Албанија продолжуваат веќе 22 дена. Неговите досегашни повици беа одбиени од демонстрантите, кои бараат оставка од премиерот и целата влада.

— реклама —

— реклама —

Како и во претходните денови, Рама ја поставил поканата за разговор на камената маса пред влезот во неговиот кабинет, објави „Еуроњуз Албанија“.

— реклама —

— реклама —

Протестите започнаа на 13 октомври пред Министерството за образование и други државни институции. Студентите бараат оставки, но и исполнување на нивните барања за подобри услови за работа. Поддршка добија и од професорите, кои ја прекинаа наставата на факултетите.