Во тунелот Салаковац на патот Мостар - Јабланица утринава се случила сообраќајна несреќа во која учествувале два автомобили и еден камион, по што се запалил и камионот. Според првите информации едно лице починало.
Како што соопштија за Klix.ba од Професионалната противпожарна бригада на Мостар, неколку противпожарни бригади се на терен.
Во овие моменти сообраќајот на оваа делница е целосно во прекин.
Како што потврди за Klix.ba Људевит Мариќ, портпарол на МВР на ХНК, несреќата се случила во 7 часот и 10 минути. Несреќата се случила кога се судриле три возила - две помали и едно товарно возило, при што најверојатно од силината на судирот се запалил камионот.
Во несреќата едно лице загина, а уште едно лице е повредено и моментално е хоспитализирано, каде се утврдува степенот на повредите.
