Судир на три возила кај Битола: Повредени четири лица, возач возел под забрана

Двајца возачи се здобиле со тешки телесни повреди во сообраќајна несреќа што се случила ноќеска на патот Битола – Маково, во близина на битолското село Логоварди.

— реклама —

Според информациите од Министерството за внатрешни работи, несреќата била пријавена на 20 јуни во 00:19 часот и во неа учествувале три патнички возила – „Ауди“ управувано од 23-годишниот Д.Б. од село Логоварди, „Форд“ управувано од 23-годишниот А.П. од Битола, во кое се превезувал и 13-годишен сопатник, како и „Мазда“ управувана од 23-годишниот А.К. од селото Добромири, Општина Новаци, со сопатничка на возраст од 29 години.

— реклама —

Во несреќата тешки телесни повреди добиле возачите А.П. и А.К., додека сопатниците се здобиле со телесни повреди. Повредите биле констатирани во Клиничката болница во Битола.

— реклама —

Увид на местото на настанот извршила увидна екипа на СВР Битола.

— реклама —

Од МВР информираат дека по несреќата од слобода бил лишен возачот Д.Б., бидејќи било утврдено дека управувал моторно возило и покрај активна забрана за управување. По целосно документирање на случајот, против него ќе биде поднесен соодветен поднесок.