Судот го враќа на работа анестезиологот од Тетово кој незаконски снимаше пациентки на Гинекологија

Три години по апсењето што предизвика силни реакции во јавноста, анестезиологот Валтон Дервиши од болницата во Тетово, кој незаконски снимаше пациентки на Гинекологија и пушташе стрим во живо на социјалната мрежа „Тикток“, се очекува да се врати на работа, откако судовите го поништија решението за негово отстранување.

— реклама —

Дервиши беше уапсен и осуден на 15 месеци затвор поради неовластено снимање на пациентки и медицински персонал на гинеколошкото одделение, како и поради објавување дел од снимките на социјалната мрежа TikTok.

— реклама —

Според информациите од судските постапки, подоцна биле изменети првичните дисциплински мерки и дел од обвиненијата биле преквалификувани, по што било оценето дека нема доволна правна основа за трајно одземање на неговата лекарска лиценца.

Според Законот за работни односи, отказ може да добие вработен на кого со правосилна пресуда му е забрането вршење дејност или му е изречена казна затвор подолга од шест месеци.

— реклама —

Адвокатот на тетовската клиника, Дарко Котески, изјавил дека ниту колегите, ниту пациентките кои биле снимани не се приклучиле на кривичниот прогон.

— реклама —

Од Клиничката болница во Тетово последна можност за преиспитување на случајот гледаат во евентуална ревизија пред Врховен суд, кој засега сè уште нема донесено одлука.