Сува трева, грмушки и автомобил зафатени од пожар во тетовско

Пожар избувнал синоќа во тетовското село Горна Лешница, при што биле зафатени сува трева, грмушки и едно патничко возило, информираат од СВР Тетово.

— реклама —

Според полицијата, на 24 јуни 2026 година околу 20:50 часот во СВР Тетово било пријавено дека во селото настанал пожар кој се проширил на околната вегетација, а целосно изгорело и едно патничко возило.

— реклама —

Во пожарот нема повредени лица.

— реклама —

На местото интервенирала екипа на Територијалната противпожарна единица Тетово, која успеала да го локализира и изгасне пожарот.

— реклама —

Увид на местото извршила увидна екипа од СВР Тетово, а се работи на утврдување на причините за избувнувањето на пожарот.