„Свлечиште во населба Усје“: Жител алармира за испукан и раздвоен асфалт на улиците

Жители на скопската населба Усје алармираат за сериозно оштетување на асфалтот на неколку улици по интервенција на екипите на ЈП „Водовод и канализација“.

— реклама —

Фотографии од состојбата беа објавени во групата на Фејсбук „Кисела Вода – Пријави проблем“, каде што граѓанин предупредува дека асфалтот е испукан и раздвоен, а состојбата, како што наведува, станува критична по работата на механизацијата на водоводното претпријатие.

„Свлечиште во населба Усје“, напиша жител во објавата.

— реклама —

Според објавата, постои опасност околу 100 куќи да останат без вода и пристапен пат. Дополнителна загриженост предизвикува фактот што на делот каде што се појавило свлечиштето поминува главната водоводна цевка за овој дел од населбата.

— реклама —

Жителите очекуваат надлежните служби итно да излезат на терен и да преземат мерки за спречување на понатамошно оштетување и загрозување на инфраструктурата.

— реклама —