Таравари бара промена на натписот на спомен-плочата во касарната „Илинден“

Реакции пристигнуваат од партии од албанскиот политички блок по оддавањето почит од страна на министерот за одбрана Владо Мисајловски на спомен-обележјето во касарната „Илинден“, посветено на загинатите припадници на безбедносните сили во настаните кај Вејце во 2001 година.

— реклама —

Претседателот на Алијансата за Албанците, Арбен Таравари, реагираше дека употребениот текст на спомен-плочата е неприфатлив и побара негова промена, оценувајќи дека ваквиот формулар на обележјето има навредлив карактер кон дел од граѓаните.

— реклама —

Таравари истакна дека спомен-обележјето се наоѓа во државна касарна и дека неговата содржина треба да биде во духот на мултиетничкиот карактер на државата, повикувајќи ги надлежните институции да интервенираат.

— реклама —

Во објавата на социјалните мрежи, министерот Мисајловски оддаде почит на загинатите припадници на Армијата и полицијата, истакнувајќи дека нивната жртва претставува дел од државното сеќавање и дека тие загинале во одбрана на татковината.

Настаните од 2001 година, во кои животот го загубија припадници на безбедносните сили, и понатаму остануваат предмет на различни политички толкувања и реакции во јавноста.