Техеран испрати остра порака до Израел: „Подготвени сме за борба“

Новиот ирански министер за одбрана, Мехрдад Ахлаки, порача дека земјата е подготвена да одговори на евентуални израелски напади. Во своето прво обраќање пред медиумите, тој истакна дека Иран е подготвен за воен судир.

— реклама —

„Прстот ни е на чкрапалото; подготвени сме за борба против ционистите“, изјави Ахлаки.

— реклама —

— реклама —

Тој нагласи дека Иран самостојно произведува оружје преку соработка меѓу Министерството за одбрана и научните установи. Според него, новите производствени капацитети се градат на безбедни и скриени локации, вклучително и во планините, за да се заштити производството.

Ахлаки најави и напредок во развојот на иранското воено воздухопловство, потврдувајќи дека тешкиот борбен авион, кој се развива со домашни капацитети, треба да го изврши првиот лет во текот на следната година.