Телата на четворицата загинати италијански војници испратени од БиХ кон Италија

Телата на четворицата италијански војници кои загинаа минатата недела во пад на воен хеликоптер во Босна и Херцеговина беа испратени во понеделникот од Меѓународниот аеродром во Тузла кон Италија.

— реклама —

На испраќањето присуствуваа нивни колеги од мисијата ЕУФОР, претставници на институциите во Босна и Херцеговина, како и членовите на семејствата на загинатите.

— реклама —

Во несреќата животот го загубија офицерите на италијанската војска Симоне Руџи и Клаудио Маркези, како и припадниците на Доброволниот воен корпус на Италијанскиот црвен крст Франко Адријано Зекило и Лаура Проначи.

— реклама —

„За заедницата на ЕУФОР, нивното заминување од БиХ претставува момент на длабока тага“, изјави на церемонијата командантот на операцијата ЕУФОР Алтеа, генерал-мајор Маурицио Фронда.

— реклама —

Во падот на италијанскиот воен хеликоптер CH-47 „Чинук“, во близина на местото Горице кај Брчко, загинаа четири лица, а уште 11 беа повредени. Во леталото во моментот на несреќата имало вкупно 15 лица.