Тензии со НАТО: Русија и Белорусија најавија можност за употреба на нуклеарно оружје

Русија и Белорусија се подготвени да ги искористат сите расположливи средства, вклучително и нуклеарното оружје, за заштита на Сојузната држава, изјави заменик-министерот за надворешни работи на Русија, Михаил Галузин.

— реклама —

Тој нагласи дека соработката меѓу вооружените сили и безбедносните структури на двете земји постојано се унапредува и се приспособува на актуелните безбедносни предизвици.

— реклама —

Според Галузин, Москва и Минск остануваат подготвени да преземат сите неопходни мерки за гарантирање на безбедноста на Сојузната држава на Русија и Белорусија.

Во изјавата тој се осврна и на активностите на НАТО во близина на границите на Русија и Белорусија, оценувајќи дека Алијансата демонстративно и провокативно го зголемува своето воено присуство во регионот.

— реклама —

Галузин посочи дека НАТО спроведува воени вежби во непосредна близина на границите на Сојузната држава, а како дополнителен безбедносен предизвик го наведе и зголемениот број инциденти поврзани со беспилотни летала.

Изјавата доаѓа во период на зголемени геополитички тензии и меѓусебни обвинувања меѓу Русија и западните земји околу безбедносната состојба во Европа.