Тензиите растат: Шведска крена ловци поради руски воени авиони во близина на воздушниот простор

Шведските вооружени сили соопштија дека два борбени авиони JAS 39 „Грипен“ биле подигнати за да пресретнат руски воени авиони во областа на Балтичкото Море, во близина на шведскиот воздушен простор.

— реклама —

Според шведската војска, инцидентите се случиле во јужниот и северниот дел на Балтичкото Море, при што не е регистрирано нарушување на шведскиот воздушен простор. Задачата на борбените авиони била идентификација и надзор на руските летала.

— реклама —

— реклама —

Ваквите мисии се дел од редовните активности на Шведска и НАТО за следење на воените движења во Балтичкиот регион, каде во последните години зачестија пресретнувањата на руски авиони во близина на воздушните простори на земјите членки на Алијансата.

По зачленувањето на Шведска во НАТО, шведските воздухопловни сили значително ја интензивираа соработката со сојузниците во мисиите за воздушно надгледување и брза реакција во Балтичкиот регион.